搵工招聘｜香港打工仔都怕搵到伏工，一名從事IT行業的港女近日面試一份新工，並且很快得到Offer。不過，該公司HR卻私下打電話勸其不要入職，令她感覺到一陣濃濃的「伏味」。
新工「伏味」濃
近日有港女在Facebook專頁「奴工處」發文，指自己畢業一年，從事IT工作，近日面試一間細公司，見完部門主管之後很快收到HR出的Offer。
同日夜晚，該公司的HR私下打電話給事主，勸其不要入職：
「同日夜晚，約我見工嗰個HR私下打畀我，話呢間公司好伏，最近仲勁多人resign，佢自己都仲有兩星期就last day，勸我唔好入去做。」
事主表示，「其實個offer就一般，咩都要做咁，但好似多啲嘢學。」但HR打電話來勸退事主，令其疑惑「其實係唔係佢哋鬼打鬼…」
網民質疑HR居心不良
帖文引來網民熱討，有網民分析指，HR勸退應徵者，證明公司氣氛好極都有限：
- 「感謝這位HR, 一間公司有問題到依個地步」
- 「佢哋會鬼打鬼嘅即係伏硬」
- 「冇問題又點會咁講」
- 「咁唔好去，真好假好， 唔夾到要鬼鼠打來提，明顯是唔夾到一個點，唔去都好的，現在咁多工」
另一邊廂，有網民懷疑HR居心不良，建議事主先入職：
- 「我會照去，但keep住搵定後路」
- 「如果唔係返緊工要辭職，不妨入去做觀察下，有伏味先走啦。（防人之心不可無）」
- 「冇工返緊，冇其他offer又得閒嘅咪試下囉。有其他offer就再取捨啦。你在選擇人，人亦在選擇你」
- 「你都可以做兩個星期，唔對路就走，除非而家有更好嘅offer。」
也有不少網民批評該HR沒有職業操守：
- 「個HR 有Integrity issue，好有問題，點唔鍾意間公司都好，bad mouth 叫求職者唔好入嚟本身已經唔好，仲要係HR」
網民認為如果HR所指「有伏」屬實，那就不要入職當炮灰。如果HR所指「有伏」不實，這就是一個擁有不負責任禍害同事的HR的公司，不入職也罷。而更重要的是應徵者的取態，根據文中內容（以屬實論計），「offer 一般⋯好似好多野學」，這說明應徴者在這方面對應徵的公司也不能算是滿意。在此情況下為甚麼委屈自己先入職呢？
發佈留言